Häufig gestellte Fragen

Brauch ech eng Ordonnance vir bei de Kiné?

Grondsätzlech ass eng Behandlung och ouni Ordonnance méiglech, allerdengs iwwerhëlt d'CNS dann näischt an dir musst 100% vun der Therapie selwer bezuelen.

Wei laang ass eng Ordonnance gülteg?

Mir mussen d'Ordonnance bannen 30 Deeg am System androen, vir dass se vun der CNS akzeptéiert gëtt. Ab deem Moment ass se vir 3 Méint gülteg.

Wéivill iwwerhëllt d'CNS vun menger Therapie?

Bei enger Pathologie courante ginn 70% gedeckt a bei enger Pathologie lourde, bzw. Post-OP sinn et 100%.

Vir ween ass Therapie mat engem Therapiebegleethond geduecht?

Vir jiddereen. Op Erwuessener oder Kanner, den Asaz vun Hënn huet sech als enorm effektiv a wäertvoll Ergänzung zur klassescher Therapiemethode erwisen. Den Heelungsprozess kann op dës Aart a Weis däitlech verbessert ginn.

Wat muss ech matbrengen?

Eng gülteg Ordonnance an ee grousst Handduch.

Kann ech mäin RDV ofsoen oder verreckelen?

Dëst ass grondsätzlech méiglech, allerdéngs muss een all RDV spéitstens 24h am Viraus ofsoen. Ass dëst net de Fall, gëtt en zu 100% verrechent.

Wisou kann ech just 1 RDV iwwert Doctena buchen?

Dëst ass gär sou agestallt. Mir maachen all aner Rdv'en zesummen an der Praxis, vir dass d'Frequenz vun den Seancen op ären individuellen Problem ugepasst ass.